A nosa terra é nosa

Pedimos que a nosa terra sexa nosa
Porque somos fillos dela.
Porque ninguén mais pode gobernala.
Porque ninguén mais pode cumpri-la súa mision histórica.
Porque levámo-lo seu nome polo mundo adiante.
Porque queremos cumpri-lo primeiro mandato dos nosos irmáns, os que deron a vida pola liberdade.

A NOSA TERRA É NOSA!

Xa se ten dito moitas veces, mais agora dicímolo nós, os desterrados, os desterrados que vivimos en liberdade.
Dicímolo en nome de moitos miles de galegos que andan polo mundo.
Dicímolo tamén en nome de moitos miles de galegos desterrados na propia terra.
Dos que viven como fillos da morte, contando o tempo por noites.

E quen somos nós pra falar deste xeito?

Somo-los galeguistas de tódo-los partidos democráticos

Somos os galegos antifascistas.

A.D.R. Castelao